Ish-drejtoresha e Agjencisë Kombëtare të Shoqërisë së Informacionit, Mirlinda Karçanaj, është paraqitur paraditen e sotme në ambientet e Prokurorisë së Posaçme, në zbatim të masës së sigurisë “detyrim paraqitje”.
View this post on Instagram
Karçanaj është parë duke hyrë në SPAK në praninë e avokates së saj, ndërsa procedura lidhet me detyrimin periodik të paraqitjes pranë organit të akuzës.
FAKTET/ Mirlinda Karçanaj ka 4 apartamente dhe nuk jeton me qira siç tha Rama
Pak ditë më parë, Gjykata e Lartë vendosi të lehtësojë masën e sigurisë ndaj ish-drejtoreshës së AKSHI-t, e cila po hetohet nga Prokuroria e Posaçme për dyshime mbi shkelje të procedurave në tenderë publikë.
Sipas hetimeve të SPAK, Karçanaj po hetohet edhe në kuadër të një grupi të strukturuar kriminal, në dosjen që lidhet me tenderët e teknologjisë dhe dyshimet për abuzime me fondet publike.
Pas vendimit të Gjykatës së Lartë, ajo po ndiqet në gjendje të lirë sigurie, ndërsa hetimet për çështjen vijojnë.
Dosja e AKSHI-t konsiderohet një nga hetimet më të rëndësishme të SPAK në lidhje me tenderët publikë në sektorin e teknologjisë, ku organi i akuzës po heton dyshime për korrupsion, favorizim në tenderë, pastrim parash dhe veprimtari në kuadër të grupit të strukturuar kriminal. /skyweb.al
