Kroçiera luksoze Le Boréal mbërriti sot për herë të parë në Portin e Sarandë, duke shënuar një tjetër zhvillim pozitiv për turizmin në qytetin bregdetar.
Anija, me gjatësi 142 metra dhe me flamur francez, transportoi rreth 200 pasagjerë, nga të cilët afërsisht 180 janë shtetas francezë, ndërsa pjesa tjetër vijnë nga Zvicra dhe Shtetet e Bashkuara të Amerikës.
Gjatë qëndrimit në Sarandë, vizitorët do të eksplorojnë atraksionet më të njohura turistike, historike dhe kulturore të zonës, duke u njohur me pasuritë natyrore dhe trashëgiminë e jugut të Shqipërisë.
Mbërritja e “Le Boréal” vlerësohet si një ngjarje me rëndësi për turizmin lokal, pasi sjell një profil turistësh të orientuar drejt udhëtimeve cilësore, përvojave autentike dhe turizmit kulturor e të qëndrueshëm.
Sipas itinerarit të planifikuar, kroçiera do të rikthehet në Portin e Sarandës më 23 qershor, duke dëshmuar interesin në rritje të kompanive ndërkombëtare të kroçierave për këtë destinacion që po fiton gjithnjë e më shumë vëmendje në tregun turistik mesdhetar.
