“Air France” dhe “Airbus” shpallen fajtorë për tragjedinë ajrore Rio de Zhaneiro-Paris

Gjykata e Apelit në Paris vendosi sot që secila kompani të gjobitet me 225 mijë euro (rreth 260 mijë dollarë), duke përmbysur vendimin e mëparshëm të pafajësisë të dhënë në gjykimin e parë ndaj dy kompanive franceze.

Sipas vendimit të gjykatës, si kompania ajrore ashtu edhe prodhuesi i avionit mbajnë përgjegjësi të plotë për aksidentin dhe do të duhet të dëmshpërblejnë familjet e viktimave.

Avioni i Air France, që operonte fluturimin AF447, u përball me stuhi të forta më 1 qershor 2009 gjatë rrugës nga Rio de Zhaneiro drejt Parisit, përpara se të zhdukej nga radarët.

Avioni, një Airbus A330, u rrëzua në Oqeanin Atlantik.

Operacionet e kërkimit dhe hetimet për zbardhjen e ngjarjes zgjatën afro dy vjet. Vetëm në maj 2011 u arrit të nxirreshin trupat e fundit të viktimave, si edhe regjistruesi i të dhënave të fluturimit, nga një thellësi prej rreth 4 mijë metrash. /skyweb.al