Kulla Eiffel do të mbyllet sot pasdite në orën 16:00, në vend të orës së zakonshme 00:45, për shkak të valës së të nxehtit, me qëllim që të garantohen kushtet më të mira të mundshme të aksesit në Zonjën e Hekurt, tha operatori.
“Jemi të detyruar të përshtatemi me nxehtësinë ekstreme dhe përparësia është siguria e ekipeve tona dhe vizitorëve tanë”, shpjegoi kompania operative e Kullës Eiffel (SETE). ”Është shumë e mundshme që monumenti të mbyllet përsëri herët të mërkurën”, sipas SETE-s.
