Dollari amerikan ka shënuar një rritje të lehtë këtë mëngjes, ndonëse pa ndryshime të ndjeshme krahasuar me një ditë më parë. Në tregun e brendshëm valutor, ai blihet me 79.4 lekë dhe shitet me 80.5 lekë.
Edhe monedha europiane vijon të jetë relativisht e qëndrueshme, pa luhatje të dukshme në vlerë krahasuar me ditën e mërkurë. Euroja blihet këtë mëngjes me 91.4 lekë dhe shitet me 92.2 lekë.
Ndërkohë, franga zvicerane ka regjistruar luhatje në kursin e saj krahasuar me një ditë më parë. Sipas kursit të këmbimit në tregun vendas, franga blihet me 96.3 lekë dhe shitet me 97.5 lekë.
Paundi britanik, nga ana tjetër, ka shënuar një rritje të lehtë të kuotës këtë mëngjes. Ai blihet me 106.3 lekë dhe shitet me 107.4 lekë, krahasuar me një ditë më parë.
