Nëse të ka ndodhur ndonjëherë që ushqimi në avion të duket pa shije, nuk je vetëm dhe nuk është as faji i kuzhinierit. Arsyeja qëndron tek ndryshimet që ndodhin në trupin tonë gjatë fluturimit.
Në një kabinë avioni në lartësi të madhe, presioni i ulët i ajrit dhe lagështira e reduktuar ndikojnë ndjeshëm në shqisat tona. Studimet e realizuara nga ekspertë të universitetit të Oksfordit kanë treguar se në këtë ambient, ndjeshmëria ndaj shijeve të ëmbla dhe të kripura mund të bjerë deri në 30%, duke bërë që shija të mos jetë e kuptueshme.
Ndërsa aroma, një pjesë kyçe e shijimit të ushqimit, gjithashtu dobësohet për shkak të thatësisë në ajër dhe bllokimit të hundëve që shpesh ndodh gjatë fluturimit.
Për këtë arsye, linjat ajrore shpesh përdorin erëza më të forta, si kerri ose domate të thata, për të balancuar efektin. Madje disa linja kanë zhvilluar menu të veçanta, të dizajnuara që të shijojnë më mirë në ajër sesa në tokë.
Ekspertët rekomandojnë që pasagjerët të pinë shumë ujë gjatë fluturimit për të shmangur tharjen e gojës dhe të shmangin pijet me gaz ose alkoolin, të cilat mund ta përkeqësojnë më tej ndjeshmërinë ndaj shijes.
Pra, herën tjetër që një vakt në avion nuk të duket i shijshëm, mos fajëso stjuardesën, faji është tek lartësia dhe trupi yt. Ne e lëmë pas shijen normale të shqisës në momentin që avionic ngrihet në fluturim. /Skyweb.al
