Fenomeni i call center-ave mashtrues në Shqipëri vijon të ngrejë pikëpyetje mbi ndikimin e tij në ekonomi dhe mbi mënyrën se si funksionojnë mekanizmat e kontrollit institucional.
Aktiviteti i tyre, i lidhur shpesh me skema investimesh fiktive dhe qarkullim të madh parash, është kthyer në një nga temat më të debatuara në hapësirën publike.
Në këtë kontekst, gazetari deklaroi në se ky fenomen, sipas tij, ka deformuar ekonominë dhe ka ngritur dyshime serioze mbi rolin e institucioneve.
Ai iu referua aksionit të më 16 janar ndaj një strukture të këtij aktiviteti në kullën “Forever Green”, ku në terren ishte edhe drejtuesi i BKH, Joni Keta.
Sipas deklaratës, ambientet u gjetën të boshatisura, çka sipas tij tregon se personat e përfshirë mund të jenë njoftuar paraprakisht.
Gazetari përmendi gjithashtu një rast të hetuar nga që lidhet me shtetasin italian . Sipas tij, në vitin 2018 u krijuan disa kompani me objekt “shërbime interneti dhe marketing digjital”, ndërsa aktiviteti real dyshohet të ketë qenë call center mashtrues. Në vitin 2019, sipas të dhënave të përmendura, përmes këtyre strukturave qarkulluan mbi 5.8 milionë euro.
Sipas analizës së gazetarit, skema konsistonte në telefonata për investime të rreme, ku fondet e marra nga viktimat transferoheshin fillimisht në kompani jashtë vendit dhe më pas në llogari në Shqipëri, për t’u tërhequr më pas cash. Ai theksoi se kompanitë rezultonin me aktivitet zero në administratën tatimore, ndërkohë që në llogaritë bankare qarkullonin shuma të konsiderueshme.
Rasti, sipas deklaratës, është hetuar nga prokurori , ndërsa gjatë tentativës për arrestim personat e përfshirë rezultuan të zhdukur.
Gazetari ngriti disa pyetje publike mbi kontrollin e administratës tatimore mbi qarkullimet financiare, verifikimet e bankave për burimin e fondeve dhe raportimin e transaksioneve të dyshimta pranë strukturave kundër pastrimit të parave.
Sipas tij, fenomeni i call center-ave mashtrues vijon prej vitesh dhe shpesh përballen me drejtësinë vetëm punonjës të niveleve të ulëta, ndërsa organizatorët mbeten të paarritshëm nga hetimet. /skyweb.al
