Pas publikimit të një historie mashtrimi nga gazetarët e emisionit “Piranjat” ku denoncohej një individ i quajtur Elena Demollari, e cila hiqej si magjistare dhe zhvaste personat në vështirësi, kjo e fundit ka reaguar me shume agresivitet dhe madje me tone kërcënuese.
Në disa postime publike në rrjetet sociale, kjo zonjë ka shpërndarë imazhe të rënda ku gazetarët dhe kameramanët e emisionit paraqiten brenda në arkivol. Pamjet e publikuara nga vetë ajo janë shoqëruar me mesazhe kërcënuese shoqëruar me emra të përvetshëm që paralajmërojnë fundin e grupit televiziv të Piranjave.
Pavarësisht se postimet më pas janë fshirë, ajo që ka ndodhur është një këmbanë alarmi se si individë të tillë marrin guxim të kërcënojnë publikisht gazetarët, të cilët denoncojnë abuzimin dhe padrejtësitë në këtë vend.
Çdo kërcënim ndaj gazetarëve të cilët informojnë çdo ditë publikun përbën vepër penale dhe cënon drejtpërdrejtë lirinë e medias, prandaj duhet trajtuar me tolerancë zero.
Shih dhe lexo investigimin e Piranjave: ‘Merre avokatin se më kapën…’/ Ribashkim çiftesh me solucion magjik, Piranjat demaskojnë astrologen
