Një shpërthim me lëndë plasëse ka ndodhur në orët e para të mëngjesit të kësaj të diele në zonën e Xhamllikut në Tiranë, ku objekt i sulmit dyshohet të ketë qenë një dyqan që ofron shërbime interneti, “MCN Get Connected”, në pronësi të Endri Meksi.
Meksi, i cili është gjithashtu pronar i MCN TV, ka deklaruar se gjatë javëve të fundit është kërcënuar me jetë të paktën dy herë.
Ai ka deklaruar publikisht se ndodhet nën presion nga një grup i caktuar, duke përmendur edhe një lidhje të tij me një ish-punonjëse të televizionit si pjesë e këtij presioni.
Shpërthimi ka shkaktuar vetëm dëme materiale, ndërsa nuk raportohet për persona të lënduar. Menjëherë pas ngjarjes, policia ka rrethuar zonën dhe ka nisur hetimet për zbardhjen e plotë të rrethanave.
Sipas njoftimit zyrtar të policisë, rreth orës 04:30, në rrugën “Xhanfize Keko”, në një dyqan për shërbime interneti në pronësi të shtetasit E. M., ka shpërthyer një sasi e dyshuar lënde plasëse, duke shkaktuar vetëm dëme materiale.
Grupi hetimor, në bashkëpunim me shërbimet e Policisë, po punon për sqarimin e rrethanave të rastit, si dhe për identifikimin dhe kapjen e autorit.
Njoftimi i policisë:
Rreth orës 04:30, në rrugën “Xhanfize Keko” në dyqanin për shërbime interneti në pronësi të shtetasit E. M., ka shpërthyer një sasi dyshohet lëndë plasesë, duke shkaktuar vetëm dëme materiale.
Grupi hetimor së bashku me shërbimet e Policisë po punojnë për sqarimin e rrethanave të rastit dhe identifikimin dhe kapjen e autorit.
