Komisioni Evropian theksoi se kompanitë ajrore nuk kanë të drejtë të rrisin në mënyrë retroaktive çmimin e një bilete të blerë më parë, vetëm sepse kostot e karburantit rezultojnë më të larta se parashikimet.
Në kuadër të krizës në Lindjen e Mesme, Brukseli miratoi një paketë udhëzimesh për sektorin e aviacionit, duke sqaruar edhe të drejtat e pasagjerëve.
Sipas këtyre udhëzimeve, udhëtarët, fluturimet e të cilëve anulohen, kanë të drejtë të zgjedhin mes rimbursimit ose riakomodimit në një fluturim tjetër, si edhe të përfitojnë ndihmë në aeroport dhe kompensim në rast anulimesh të minutës së fundit. /skyweb.al
