Dy ferma në zonën e Dajçit, në Shkodër, janë prekur nga infeksioni i murtajës së bagëtive.
Shërbimi veterinar i qarkut bën me dije se janë marrë masa të menjëhershme për asgjësimin e krerëve të infektuar, ndërsa autoritetet po vijojnë hetimet për të përcaktuar origjinën e përhapjes së sëmundjes.
Sipas institucioneve përgjegjëse, fermerët që kanë bagëtitë të matrikulluara do të përfitojnë dëmshpërblim për humbjet e shkaktuara.
Zona e Malit të Gjymtit, ku ndodhen gjithsej katër ferma blegtorale, është vendosur në karantinë si masë parandaluese për të frenuar përhapjen e infeksionit.
Rastet e fundit shënojnë rikthimin e murtajës së bagëtive në Shkodër pas një viti, ndërsa gjatë vitit 2025 u regjistruan tre raste të kësaj sëmundjeje./skyweb.al
