Turizmi në Shqipëri vijon me ecuri pozitive. Pas një rritjeje prej 11% të turistëve të huaj në mars, edhe prilli 2026 shënoi 8.8% më shumë vizitorë krahasuar me të njëjtin muaj të vitit të kaluar.
Sipas INSTAT, gjatë prillit hynë në Shqipëri 1.617.841 shtetas shqiptarë dhe të huaj, ndërsa dolën 1.602.018 persona. Numri i të huajve që hynë në vend arriti në 891.414, me rritje 8.8%.
Pjesa më e madhe e vizitorëve erdhën nga Europa Jugore (74%) dhe Europa Perëndimore (11%). Në 98% të rasteve, hyrjet e të huajve ishin për arsye personale, ndërsa hyrjet për biznes dhe qëllime profesionale ranë me 4.7%.
Operatorët turistikë parashikojnë që rritja e turizmit të vazhdojë edhe gjatë këtij viti, të ndikuar nga promovimi i vendit dhe situata në Lindjen e Mesme. /skyweb.al
