Prokuroria e Posaçme Antikorrupsion po zhvillon një operacion në bashkëpunim me Antimafien e Barit, në kuadër të hetimeve ndaj një grupi kriminal të dyshuar për pastrim parash me prejardhje nga aktiviteti kriminal.
Sipas të dhënave paraprake, janë lëshuar 10 masa sigurie, nga të cilat deri më tani janë ekzekutuar 4.
Mes personave të arrestuar është edhe Ergys Kastrati, i njohur me aliasin “Bishja”. Ai rezulton prej rreth dy vitesh i shpallur në kërkim ndërkombëtar nga autoritetet italiane.
Nga personat ndaj të cilëve janë lëshuar masa sigurie, 6 ndodhen jashtë territorit shqiptar, ndërsa 4 të tjerë ndodhen në Shqipëri.
Operacioni po vijon dhe pritet që SPAK të japë më shumë detaje mbi rolin e personave të përfshirë, skemën e dyshuar të pastrimit të parave dhe bashkëpunimin me autoritetet italiane.
