Deputetja Marjana Koçeku ka njoftuar largimin e saj nga Partia Socialiste, duke deklaruar se nga sot do të ushtrojë mandatin si deputete e pavarur.
Përmes një reagimi publik, Koçeku theksoi se vendimi lidhet me bindjet dhe vlerat e saj personale.
“Prej sot jam deputete e pamvarun. Idealet e vlerat e mia janë ato që i kam pasë e i kam shprehë qysh para se me u asociu me nji parti. Ato m’i diftojne kufijtë”, shkroi ajo.
Koçeku nuk ka dhënë detaje të mëtejshme mbi arsyet e largimit nga Partia Socialiste. Megjithatë, vendimi vjen në një moment kur vendi është përfshirë nga protesta të mëdha kundër qeverisë, ndërsa deputetja ka mbajtur qëndrime publike lidhur me çështje që kanë nxitur debat gjatë ditëve të fundit.
Me këtë vendim, Marjana Koçeku i bashkohet radhës së deputetëve që zgjedhin të vijojnë mandatin jashtë grupeve parlamentare të partive politike.
