Pasi u largua nga grupi parlamentar i PS-së, deputetja e pavarur Marjana Koçeku ka sfiduar Partinë Socialiste.
Përmes një postimi në rrjetet sociale, Neomalësorja iu përgjigjet zërave në PS, që kanë kërkuar që ajo të dorëzojë mandatin me arsyetimin se i përket PS. Por, Koçeku shprehet se mandati i përket asaj si person dhe atyre që e kanë votuar.
Madje ka që të shpërndahet Kuvendi dhe vendi të shkojë në zgjedhje të parakohshme.
Postimi:
Nuk ua kam marrë mandatin e deputetit. Ma keni marrë ju mue, për 10 muej rresht. Tash mandati ka ardhë në vend të vet. Nëse jeni kaq të sigurt që unë nuk fitoj pa ju dhe ju i keni plot 83 mandate, atëherë shpërndajeni parlamentin, shkojmë në zgjedhje të parakohshme dhe masim forcat se kush fiton çka. Kësaj radhe do marr me vete kecin tim të shtrenjtë, bashkë me kmesën e mprehtë, dhe do zbres me kandidue në Tiranë. Para se të vij, ndoshta iu marr leje malësorëve të mi me e folë gjuhën standarde. /skyweb.al
