Shtatzënia mund të jetë një periudhë e rrezikshme për gratë që kanë pasur ose zhvillojnë çrregullime të të ngrënit, si anoreksia dhe bulimia. Ndryshimet e shpejta në trup, shtimi në peshë dhe luhatjet hormonale mund të shkaktojnë ankth për imazhin trupor dhe rikthim të sëmundjes, shkruan BBC.
Rasti i studiueses Elizabeth Claydon tregon se si shtatzënia i riktheu mendimet e anoreksisë, duke e bërë të ndihej sikur jetonte në një trup që nuk e njihte më. Ekspertët thonë se rreth 5-7.5% e grave shtatzëna plotësojnë kriteret për një çrregullim të të ngrënit, ndërsa shumë raste mbeten të padiagnostikuara për shkak të stigmës dhe mungesës së kontrollit mjekësor.
Këto çrregullime mund të sjellin pasoja serioze për nënën dhe foshnjën, duke rritur rrezikun e komplikacioneve si anemia, gjakderdhjet, lindja e parakohshme, pesha e ulët në lindje dhe probleme të mundshme në zhvillimin e fëmijës.
Megjithatë, specialistët theksojnë se shtatzënia mund të shërbejë edhe si një moment i rëndësishëm për shërim, nëse gratë marrin mbështetjen e duhur psikologjike dhe mjekësore./skyweb.al
