• Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
  • Kush jemi ne
  • Politika e Privatësisë
E shtunë, 21 Nëntor, 2026
  • Hyr
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED
Nuk u gjet asnjë rezultat
Shiko të gjitha
SkyWeb.al
Nuk u gjet asnjë rezultat
Shiko të gjitha
Kreu Turizëm

Media italiane: Udhëtim në Durrës, qyteti 2500-vjeçar mes perandorive të lashta dhe jetës moderne

Editor Nga Editor
5 Korrik, 2026
në Turizëm
A A
Media italiane: Udhëtim në Durrës, qyteti 2500-vjeçar mes perandorive të lashta dhe jetës moderne
Share on FacebookShare on WhatsApp

Një nga destinacionet më të lashta të Shqipërisë ofron një ndërthurje të detit, arkeologjisë dhe lidhjeve të forta historike me Italinë, shkruan media italiane “Paesi online”.

Zbuloni pse Durrësi konsiderohet një nga qytetet më magjepsëse për t’u vizituar në brigjet e Adriatikut.

Të mbërrish në Durrës do të thotë të zbulosh një nga portet më të gjalla të Adriatikut, por edhe një qytet që “mbart mbi supe” më shumë se 2500 vjet histori. 

Që nga prora e tragetit dallohen vinçat, anijet dhe silueta e një bregdeti, që në pamje të parë duket modern. 

Megjithatë, mjafton të zbresësh në tokë për të kuptuar se këtu e shkuara dhe e tashmja, bashkëjetojnë vetëm pak hapa larg njëra-tjetrës.

Vizitorët nuk gjejnë vetëm plazhe dhe restorante të njohura për gatimet me peshk të freskët, por edhe një qytet ku amfiteatri romak, muret bizantine dhe Kulla Veneciane dëshmojnë ekzistencën e perandorive dhe qytetërimeve të ndryshme ndër shekuj.

Durrësi është gjithashtu një pikënisje ideale për të eksploruar Shqipërinë, veçanërisht për turistët, që mbërrijnë nga Italia dhe kërkojnë një destinacion të afërt, ku gjuha, kuzhina dhe zakonet krijojnë një ndjesi familjariteti. 

Për ata që janë me nxitim është thjesht një qytet tranziti, por për këdo që vendos të ndalet, ai shndërrohet në një bazë të shkëlqyer, për të kaluar disa ditë mes historisë dhe detit.

Durrësi, qyteti bregdetar “i lindur” mbi 2500 vjet më parë

Për të kuptuar historinë e Durrësit duhet të kthehemi te emri i tij i lashtë, Epidamnos, që iu dha nga kolonët grekë të Korintit dhe Korkyrës, të cilët në shekullin VII para Krishtit themeluan këtu, një koloni tregtare.

Pozicioni i tij, në brigjet e Adriatikut dhe përballë Italisë, e shndërroi menjëherë qytetin, në një nyje strategjike për tregtinë mes Lindjes dhe Perëndimit.

Me ardhjen e romakëve, qyteti mori emrin Dyrrachium dhe rëndësia e tij u rrit edhe më shumë. 

Pikërisht nga Durrësi niste “Via Egnatia”, rruga e famshme që lidhte Adriatikun me Bizantin duke përshkuar Ballkanin.

Një shëtitje në qendrën e sotme të qytetit është si një udhëtim në gjurmët e tregtarëve, ushtarëve dhe zyrtarëve, që për shumë shekuj kanë kaluar në këto rrugë.

Gjatë historisë, Durrësi ka kaluar nën sundimin e bizantinëve, normanëve, venecianëve dhe osmanëve. 

Çdo periudhë ka lënë gjurmët e saj përmes mureve mbrojtëse, fortifikimeve, ndërtesave fetare dhe shtresëzimit urban, që dallohet në çdo cep të qytetit.

Amfiteatri, muret dhe muzeu – vendet historike që nuk duhen humbur

Simboli më i rëndësishëm arkeologjik i Durrësit është Amfiteatri Romak, i zbuluar vetëm në vitet 1960, gjatë punimeve ndërtimore në qytet.

Me një kapacitet prej rreth 20 mijë spektatorësh, ai ishte dikur qendra e jetës publike në periudhën romake. 

Sot, kur ulesh në shkallët e tij, mund të përfytyrosh madhështinë e qytetit antik dhe rëndësinë politike, që ai kishte në Ballkan.

Vetëm pak metra më tej shtrihen muret bizantine, të lidhura me perandorin Anastasi I, i lindur në Durrës. 

Segmentet e ruajtura ofrojnë një pasqyrë të organizimit mbrojtës të qytetit mesjetar dhe plotësohen nga Kulla Veneciane, e restauruar dhe e hapur për vizitorët.

Për një panoramë më të plotë të historisë së qytetit, Muzeu Arkeologjik ekspozon statuja, mozaikë, qeramika dhe objekte të jetës së përditshme të zbuluara gjatë gërmimeve arkeologjike. 

Është një vizitë e rekomanduar, për ata që dëshirojnë të kuptojnë evolucionin e Durrësit përtej një shëtitjeje buzë detit.

Shëtitorja, plazhet dhe atmosfera e portit modern

Ana moderne e Durrësit zbulohet përgjatë shëtitores buzë detit, ku për kilometra të tërë rreshtohen bare, restorante, akullore dhe ambiente argëtimi pranë plazhit me rërë.

Në muajt e verës, jeta zhvillohet rreth detit. Në orët e para të ditës, plazhi mbushet me familje dhe grupe miqsh, ndërsa në mbrëmje shëtitorja gjallërohet nga njerëzit, që ecin mes aromës së peshkut të pjekur në skarë dhe muzikës që vjen nga lokalet.

Për vizitorët që mbërrijnë me traget nga Italia, porti i Durrësit, është kontakti i parë me Shqipërinë. 

Ai është një infrastrukturë dinamike, ku lëvizin çdo ditë kamionë, automjete, tragete pasagjerësh dhe anije mallrash.

Për një përvojë më komode, rekomandohet zgjedhja e një akomodimi pranë qendrës, duke e bërë të mundur lëvizjen në këmbë mes shëtitores, zonës tregtare dhe lagjeve historike, larg trafikut të rënduar në hyrje dhe dalje të qytetit.

Një urë natyrore mes Shqipërisë dhe Italisë

Një nga surprizat më të këndshme për turistët italianë është lehtësia e komunikimit. 

Gjuha italiane flitet gjerësisht në Durrës, falë ndikimit të televizioneve italiane ndër dekada, emigracionit dhe marrëdhënieve të vazhdueshme mes dy vendeve.

Në restorante, hotele dhe agjenci turistike është e zakonshme të komunikosh në italisht, gjë që e bën vizitën shumë më të lehtë, për ata që zbulojnë Ballkanin për herë të parë.

Nga ana praktike, Durrësi lidhet me Barin, Ankonën dhe qytete të tjera italiane, përmes linjave të rregullta të trageteve, duke ofruar një nga mënyrat më të drejtpërdrejta, për të mbërritur në Shqipëri.

Kjo lidhje e përditshme ka ndikuar edhe në kulturën gastronomike të qytetit. 

Krahas gatimeve tradicionale shqiptare, në restorante gjenden edhe makarona, bukë krokante dhe peshk i freskët i përgatitur me thjeshtësinë karakteristike të kuzhinës mesdhetare.

Edhe për këtë arsye, Durrësi konsiderohet, pika ideale e nisjes për një udhëtim drejt Tiranës ose përgjatë gjithë bregdetit shqiptar të Adriatikut.

Etiketat: durres
Artikulli para

Rama: Një ekip i tërë po dëgjon me shumë vëmendje gjithçka që duhet dëgjuar nga bulevardi

Artikulli pas

Tregu nuk pyet për masat e BSH-së, bleu mbi 1 mld euro dhe monedha europiane vijoi “shkrirjen”

Editor

Editor

Nga Kategoria

Media gjermane: Pesë arsye pse duhen bërë pushimet e verës në Shqipëri
Turizëm

Revista britanike rekomandon Shqipërinë për një udhëtim ekskluziv pesëditor në verën e vitit 2027

16 Nëntor, 2026
Rritet TVSH për hotelet, 220 mijë shtretër jashtë sektorit hotelier! Topuzi: Qeveria po godet bizneset që paguajnë taksa
Ekonomi

Rritet TVSH për hotelet, 220 mijë shtretër jashtë sektorit hotelier! Topuzi: Qeveria po godet bizneset që paguajnë taksa

15 Nëntor, 2026
Paketat turistike në Shqipëri mund të shtrenjtohen deri në 15%, sektori paralajmëron pasoja nga rritja e TVSH-së
Turizëm

Paketat turistike në Shqipëri mund të shtrenjtohen deri në 15%, sektori paralajmëron pasoja nga rritja e TVSH-së

15 Nëntor, 2026
CNN: Alpet Shqiptare, shtegu epik i ecjes që përshkon një nga zonat e fundit të egra të Europës
Turizëm

Ministria e Turizmit krijon Platformën Kombëtare për Pikat Turistike, rregulla të reja për shtigjet

13 Nëntor, 2026
Lodhen shumë! Hapet hoteli i daljes në pension për Gen Z
Turizëm

Lodhen shumë! Hapet hoteli i daljes në pension për Gen Z

9 Nëntor, 2026
Ujërat termale të Bënjës në Përmet frekuentohen edhe në vjeshtë
Turizëm

Ujërat termale të Bënjës në Përmet frekuentohen edhe në vjeshtë

9 Nëntor, 2026
Artikulli pas
Euro “zbret pa frena”, sot në drekë kapi minimumin: Si kurrë më parë ndaj Lekut

Tregu nuk pyet për masat e BSH-së, bleu mbi 1 mld euro dhe monedha europiane vijoi "shkrirjen"

Të Përzgjedhura

Presidenti Begaj pritet nga homologu polak: Integrimi i Shqipërisë në BE, domosdoshmëri gjeopolitike
Aktualitet

Presidenti Begaj pritet nga homologu polak: Integrimi i Shqipërisë në BE, domosdoshmëri gjeopolitike

Nga SkyWeb
28 Qershor, 2026
0

Presidenti i Republikës, Bajram Begaj, mori pjesë sot, me ftesë të Presidentit të Republikës së Polonisë, Karol Nawrocki, në ceremoninë...

Lexo të plotë
VIDEO/ Arkitektët amerikanë mbërrijnë në zonën ku do të investojë Ivanka Trump në Vlorë

VIDEO/ Arkitektët amerikanë mbërrijnë në zonën ku do të investojë Ivanka Trump në Vlorë

30 Prill, 2026
Çimkat pushtojnë avionin gjigant dhe pickojnë pasagjerët, kompania e nxjerr nga shërbimi

Çimkat pushtojnë avionin gjigant dhe pickojnë pasagjerët, kompania e nxjerr nga shërbimi

14 Tetor, 2026
S&P konfirmon vlerësimin “BB” për Shqipërinë, ekonomia mban ritmin dhe perspektiva mbetet e qëndrueshme

S&P konfirmon vlerësimin “BB” për Shqipërinë, ekonomia mban ritmin dhe perspektiva mbetet e qëndrueshme

25 Mars, 2026
“Samiti i Arubës”, si u ndanë rolet për kokainën dhe kullat në Tiranë, “Garden Building” dhe Ilir Shtufi

SPAK “shemb” kullat e Tiranës, ndikimet në ekonomi dhe nevoja për hetime pro aktive

18 Qershor, 2026

Të Fundit

Nuk i del e keqja me shkarkimin, Elisa Spiropali i kanoset Taulant Ballës

SPAK regjistron procedim penal ndaj Elisa Spiropalit, bashkëshortit dhe 3 personave të tjerë

20 Nëntor, 2026
Panik në tregje, zhduken 9 trilionë dollarë nga vlera e aksioneve! Frika nga flluska e inteligjencës artificiale trondit tregjet

Panik në tregje, zhduken 9 trilionë dollarë nga vlera e aksioneve! Frika nga flluska e inteligjencës artificiale trondit tregjet

20 Nëntor, 2026
Një familje e madhe, simboli i ri pasurisë

Një familje e madhe, simboli i ri pasurisë

20 Nëntor, 2026
ISHP apelon për vaksinim, kush rrezikohet më shumë nga gripi në këtë periudhë

ISHP apelon për vaksinim, kush rrezikohet më shumë nga gripi në këtë periudhë

20 Nëntor, 2026
SkyWeb.al

Info

Skyweb.al është media online me profil ekonomik, e fokusuar në lajme të thelluara mbi ekonominë, financat, biznesin, turizmin dhe aviacionin civil.

Kontakt

Email: info@skyweb.al

NIPT: M51916003M

© 2026 SkyWeb.al - Zhvilluar nga eDigital.al

Nuk u gjet asnjë rezultat
Shiko të gjitha
  • Kreu
  • Aktualitet
  • Fokus
  • Ekonomi
  • Turizëm
  • Aviacion
  • Shëndet
  • OP-ED

© 2026 SkyWeb.al - Zhvilluar nga eDigital.al

Mirësevini!

Hyni në llogarinë tuaj.

Keni harruar fjalëkalimin?

Riktheni fjalëkalimin

Ju lutem shkruani username ose email

Hyr