Aeroporti Ndërkombëtar i Tiranës ka regjistruar një tjetër muaj me rritje të ndjeshme të trafikut ajror. Gjatë muajit qershor 2025, janë pritur gjithsej 1,147,866 pasagjerë dhe janë operuar 6,830 fluturime, ose mesatarisht 228 fluturime në ditë, duke shënuar një rritje të qëndrueshme krahasuar me muajin maj.
Në njoftimin zyrtar, TIA thekson angazhimin për të zgjeruar më tej lidhjet rajonale dhe për të përmirësuar përvojën e pasagjerëve, në një kohë kur kërkesa për udhëtime ajrore vijon të rritet ndjeshëm, veçanërisht gjatë sezonit turistik.
ADVERTISEMENT
Rritja e vazhdueshme e volumit të udhëtarëve konfirmon rolin gjithnjë e më të rëndësishëm të Tiranës si një qendër ajrore rajonale në Ballkan./skyweb.al
