Dy avionët bombardues Boeing B-29 Superfortress, “Fifi” dhe “Doc”, janë të vetmit të këtij lloji që ende janë në gjendje të fluturojnë dhe operohen Forcat Ajrore Përkujtimore (CAF) në SHBA. Të prodhuar gjatë Luftës së Dytë Botërore, ata përfaqësojnë një nga arritjet më të mëdha teknologjike të asaj kohe dhe morën pjesë në një nga misionet më të diskutueshme të histories, hedhjen e bombave atomike mbi Japoninë.
Me mbi 4,000 njësi të ndërtuara në vitet 1940, B-29 ishte bombarduesi më i madh dhe më i avancuar i kohës, me katër motorë të fuqishëm Ëright R-3350.
Sot, këta dy avionë historikë marrin pjesë në shfaqje ajrore në gjithë SHBA-në, ku adhuruesit e aviacionit kanë mundësinë të udhëtojnë për 30 minuta në bord, raporton BBC.
Randall Haskin, është një nga pak pilotët që ka fluturuar me këtë avion në vitin 1950 dhe tashmë fluturon me të birin. Ai e përshkruan pilotimin e B-29 si një “udhëheqje me komitet”, pasi kërkon bashkëpunim të ngushtë me inxhinierin e fluturimit, një rol jetik në këtë avion.
“Unë nuk mund të kontrolloj vetë fuqinë e motorëve. Duhet t’i them inxhinierit saktësisht se çfarë presioni të vendosë. Gabimi më i vogël mund të çojë në prishje të motorit ose më keq,” thotë Haskin.
Pesha dhe kompleksiteti i avionit, rreth 40 tonë, kërkon përqendrim ekstrem dhe koordinim të plotë midis ekuipazhit. “Nuk ka vend për gabime. Dhe gjithçka është nën sytë e qindra spektatorëve e kamerave që filmojnë për YouTube,” shton ai me humor.
Përveçse një mrekulli teknike, B-29 mbetet simbol i fuqisë industriale dhe teknologjike që ndikoi në përfundimin e Luftës së Dytë Botërore. Fluturimi i tij sot nuk është vetëm një demonstrim i aviacionit historik, por një kujtesë për rolin e tij vendimtar në historinë moderne. /Skyweb.al
