Evropa po përballet me një moment kritik ku vetëkënaqësia e dekadave të fundit nuk përputhet më me sfidat globale dhe ekonomike.
Një analizë e revistës prestigjioze The Economist paralajmëron se kontinenti duhet të heqë dorë nga “lukse” që deri tani i ka konsideruar të padiskutueshme, pasi nuk janë më të përballueshme.
Sipas artikullit, konflikti i vazhdueshëm në Ukrainë, rritja e forcave populiste në SHBA dhe krizën demografike, me popullsinë në rënie dhe plakje, po e çojnë Evropën drejt një realiteti të ri.
Për herë të parë në dekada, vendet evropiane po punojnë më pak, por njëkohësisht po përballen me pasiguri më të mëdha ekonomike dhe me varfërim relativ në raport me fuqitë e tjera botërore.
The Economist thekson se modeli aktual ekonomik, i ndërtuar mbi orë më të pakta pune dhe produktivitet më të ulët, nuk i garanton më kontinentit konkurrueshmëri globale.
“Evropa ka humbur garën për supremaci ekonomike, ndërsa vazhdon të sillet sikur ka kohë të pafundme,” nënvizohet në shkrim.
Analiza paralajmëron se shmangia e reformave, besimi se gjithçka mund të vazhdojë si më parë dhe refuzimi për të ndryshuar përbëjnë luksin më të madh që Evropa nuk mund ta lejojë më.
Vetëm duke pranuar ndryshimin, duke u hapur ndaj reformave strukturore dhe duke përballuar realitetin ekonomik, kontinenti mund të shmangë rënien e mëtejshme dhe të sigurojë stabilitet për brezat e ardhshëm. /skyweb.al
