Shefi i Shtabit të Forcave Ajrore amerikane, Gjenerali David Allvin, ka deklaruar se avioni luftarak F‑47, i projektuar nga Boeing, pritet të kryejë fluturimin e tij të parë në vitin 2028.
Allvin bëri këtë njoftim gjatë Konferencës Ajrore dhe Hapësinore, ku theksoi se puna për prodhimin e prototipave është tashmë në progres. Ai përmendi gjithashtu se ky avion është menduar të zëvendësojë F‑22 Raptor, duke sjellë përmirësime teknologjike si manovrim më i sofistikuar, armë më moderne, dhe bashkëpunim me sisteme autonome.
Në maj, Allvin publikoi një grafik sipas të cilit F‑47 do të ketë një rreze veprimi më të madhe se 1,000 milje detare dhe një shpejtësi që tejkalon Mach 2 (më shumë se 1,500 milje në orë).
Për më tepër, Forcat Ajrore planifikojnë të blejnë të paktën 185 avionë të këtij modeli, një flotë që duhet të jetë së paku e barabartë me omsin e F‑22 aktuale.
Allvin theksoi se strategjia amerikane për superioritet ajror në të ardhmen nuk konsiston thjesht në aftësinë për të goditur objektiva, por edhe në aftësinë për të imponuar prani psikologjike dhe situatë dominimi në qiell. “Duhet të jesh në gjendje t’i bësh të ditur kundërshtarit tënd se mund ta vendosësh në kanavacë”, u shpreh ai. /Skyweb.al
