Një avion i kompanisë Croatia Airlines është përfshirë në një incident gjatë ngritjes në aeroportin e Splitit në Kroaci, pasi ndërpreu procedurën e takeoff-it dhe doli pjesërisht jashtë piste.
Sipas raportimeve paraprake, avioni tip Airbus A220-300 përfundoi në zonën me bar pranë pistës gjatë manovrës së abortimit të ngritjes.
Mësohet se mjeti ka pësuar dëmtime pasi goditi disa pajisje ndriçimi dhe sinjalistikë anësore të pistës.
Të gjithë pasagjerët dhe ekuipazhi janë evakuuar në mënyrë të sigurt dhe deri tani nuk raportohen persona të lënduar.
Shkaqet e incidentit nuk janë bërë ende publike, ndërsa autoritetet pritet të nisin hetimet për të përcaktuar arsyen që detyroi ekuipazhin të ndërpriste ngritjen.
Airbus A220 është një nga avionët më të rinj të përdorur nga Croatia Airlines, ndërsa procedura e “aborted takeoff” konsiderohet një nga manovrat më kritike në aviacion, pasi pilotët duhet të marrin vendim në pak sekonda nëse avioni duhet të vazhdojë ngritjen apo të frenojë menjëherë. /skyweb.al
